માનવ જીવનના સર્વાંગી વિકાસમાં રમતગમતનું સ્થાન અતિ મહત્ત્વપૂર્ણ છે. રમતગમત માત્ર શરીરને સ્ફૂર્તિલું અને ગતિશીલ બનાવે છે એટલું જ નહીં, પણ સાથોસાથ શિષ્ટાચાર, સંયમ, સહકાર અને ખેલદિલી જેવા ચારિત્ર્યગુણોના વિકાસમાં પણ મહત્વની ભૂમિકા ભજવે છે.

આ વિચારોને પ્રત્યક્ષ આત્મસાત કરાવવા 5 જુલાઈ, 2025ના રોજ આત્મીય વિદ્યામંદિરમાં “Body and Kinaesthetic Intelligence” સ્પર્ધાનું સફળ આયોજન કરવામાં આવ્યું.

સ્પર્ધકોને ચાર ગૃપમાં વર્ગીકૃત કરવામાં આવ્યા હતા. જેમાં, પ્રથમ ગૃપમાં ધોરણ 1 થી 3 ના વિદ્યાર્થીઓએ Collect the Balls on the Lap, Goal Spot અને Keep the Balloons in the Air જેવી અલગ અલગ રમતમાં ઉત્સાહભેર ભાગ લીધો.

બીજા ગૃપમાં ધોરણ 4 થી 6 ના વિદ્યાર્થીઓએ Coordination Game, Arrow Game અને Water Filling Relay જેવી વિવિધ સ્પર્ધામાં ઉત્સાહથી ભાગ લીધો.

ત્યારબાદ, ત્રીજા ગૃપમાં ધોરણ 7 અને 8 ના વિદ્યાર્થીઓએ Hula Hoops, Juggling અને Dancing to Music followed by Freezing in a Yoga Pose for 30 seconds જેવી વિવિધ પ્રવૃત્તિઓમાં ઉમંગભેર ભાગ લીધો.

અને ચોથા ગૃપમાં ધોરણ 9 અને 10 ના વિદ્યાર્થીઓએ Boat Race, Horse Race અને Stick Balancing Race જેવી રસપ્રદ સ્પર્ધામાં ઉલ્લાસથી ભાગ લીધો.

તમામ વિદ્યાર્થીઓએ દરેક રમતમાં ઉત્સાહપૂર્વક ભાગ લઈ પોતાની શારીરિક ચપળતા, એકાગ્રતા અને ટીમ વર્કનું શ્રેષ્ઠ પ્રદર્શન કર્યું. વિવિધ સ્પર્ધામાં રમતો દ્વારા શારીરિક સંકલન, નૃત્ય, ગતિશીલતા, લયબદ્ધતા અને શરીરનો સજાગ ઉપયોગ જેવી પ્રવૃત્તિઓનો સમાવેશ જોવા મળ્યો.

આ સ્પર્ધાનો મુખ્ય ઉદ્દેશ એ હતો કે, જેમ કંઈક શીખવા માટે જેટલું મગજ જરૂરી છે એટલું જ શરીરનું એકાગ્ર સંચાલન પણ મહત્ત્વપૂર્ણ છે. આ સ્પર્ધા દ્વારા વિદ્યાર્થીઓમાં આત્મવિશ્વાસ, લીડરશીપ અને ટીમવર્કના ગુણો પણ જોવા મળ્યા.

ભાગ લેનાર તમામ વિદ્યાર્થીઓએ ઉત્સાહભેર ભાગ લઈ પોતાનું શ્રેષ્ઠ પ્રદર્શન કર્યું અને સમગ્ર આત્મીય પરિવાર માટે આ સ્પર્ધા આનંદદાયક અને સંસ્મરણિય રહી.

ગૌતમ સર